Rannsókn á meintum brotum lögreglumanns
Vegna umfjöllunar fjölmiðla um mál sem varðar m.a. ætluð brot lögreglumanns staðfestir ríkissaksóknari að embættið hefur til rannsóknar, á grundvelli 1. mgr. 35. gr. lögreglulaga nr. 90/1996, ætluð brot lögreglumanns vegna uppflettingar og meðferðar á upplýsingum úr upplýsingakerfi lögreglu (LÖKE). Rannsóknin lýtur einkum að ætluðum brotum á ákvæðum XIV. kafla almennra hegningarlaga nr. 19/1940, sem fjallar um brot í opinberu starfi. Tveir aðrir menn hafa réttarstöðu sakborninga við rannsóknina.
Lögreglustjórinn á Suðurnesjum aðstoðar ríkissaksóknara við rannsókn málsins, sbr. 3. mgr. 35. gr. lögreglulaga.
Reykjavík, 28. apríl 2014
Sigríður J. Friðjónsdóttir
ríkissaksóknari